ଧରା ଜଳିଯିବା ପରେ
ଧରା ଜଳିଯିବା ପରେ
1 min
5
ଅସହ୍ୟ ଖରାତ ସହ୍ୟ ହେଉନାହିଁ
ସତେକି ନର୍କଭୂମି
କଷ୍ଟ ଯନ୍ତ୍ରଣାତ ଭୋଗୁଛନ୍ତି ପ୍ରାଣୀ
ସତେକି ମରୁଭୂମି ।
ନିଜ ପାଇଁ ଏଠିନିଜେ ଗାତ ଖୋଳୁ
ପ୍ରକୃତିର କି ଅବା ଦୋଷ
ଜାଳି ପୋଡି ସବୁ ଅଙ୍ଗାର ହେଉଛି
ସବୁଠି ଲାଗୁଛି ବିଷ ।
ଶୂନ ଶାନ ଏଠି ସବୁଠି ଲାଗୁଛି
ଝରୁଛି କି ଅଗ୍ନି ବର୍ଷା
ପ୍ରାଣୀ ମାନେ ଏଠି ଡହଳ ବିକଳ
କିଏସେ କରିବ ରକ୍ଷା ।
ବେଳ ଥାଉ ଥାଉ ସାବଧାନ ହେବା
ପ୍ରକୃତିର ଯତ୍ନ ନେବା
ପ୍ରକୃତି ହସିଲେ ଆମେ ବି ହସିବା
ଏ କଥାକୁ ଧ୍ୟାନ ଦେବା ।