ଏକତାର ବନ୍ଧନ

ରାଗ ହିଂସା ଇର୍ଷା ସବୁ ଭୁଲିଯାଇ

ପ୍ରେମର ବନ୍ଧନ ବାନ୍ଧିବା

ଶାନ୍ତି ଏକତା ଅହିଁସାର ବାଣୀ

ସଂସାରେ ପ୍ରଚାର କରିବା ।

ବନ୍ଧୁତା ଆମର ଚିରଦିନ ପାଇଁ

ଅମର ସଦା ରଖିବା

ଜାତିଧର୍ମ ଭୂଲି ଭାଇଚାରା ଭାବ

ସାରା ବିଶ୍ୱରେ ବୁଣିବା ।

ଅଟଳ ଅଚଳ ଆମର ସଂକଳ୍ପ

ଦେଶର ମଙ୍ଗଳ ପାଇଁ

ସେବାହିଁ ହେବ ଜୀବନର ବ୍ରତ

କେବେବି ଭୁଲିବା ନାହିଁ ।

ସତ୍ୟ ଧର୍ମ ପଥ ବହୁତ କଠିନ

ଚାଲିବାକୁ ହିଁ ହେବ

ଏକତାର ବଳେ ବଳିୟାନ ହେଲେ

ବିଶ୍ୱ ହସି ଉଠିବ ।

ଦୁଇ ଦିନର ଜୀବନରେ ଆମେ

ସଂଘବଦ୍ଧ ହୋଇ ରହିବା

ଦୀପଶୀଖା ପରି ନିଜେ ଜଳିଜଳି

ଅନ୍ୟକୁ ଆଲୋକ ଦେବା ।