ଗୁଣ ନ ଥିଲେ ମୂଲ୍ୟ ହୀନ

ଲିମ୍ବ ଗଛ ଥାଇ ମଳୟ ନ ଥାଏ

ଦାରୁ ମୂର୍ତ୍ତି ଥାଇ ବ୍ରହ୍ମ ତ ନ ଥାଏ

ପୂର୍ଣ୍ଣ ବ୍ରହ୍ମ ହୋଇ ଯଦି ଶୋଇଯାଏ

କହରେ କାଳିଆ କି ଲାଭ ଯୋଗାଏ ।

ସୂର୍ଯ୍ୟ ଥାଇ ଯଦି ଆଲୋକ ନ ଥାଏ

ଚନ୍ଦ୍ର ଥାଇ ଯଦି ଜୋଛନା ନ ଥାଏ

ନ ଥାଏ ଟି ଯଦି ଫୁଲର ବାସନା

ଫୁଟିଲେ ସେ ଫୁଲ ନ ପୁରେ କାମନା ।

ନିଆଁ ଥାଇ ଯଦି ନ ଥାଏ ଉଷ୍ମତା

ମେଘ ଥାଇ ଯଦି ନ ଥାଏ ବରଷା

ଜଳ ଥାଇ ଯଦି ନାହିଁ ମଧୁରତା

ବହିବା ପବନେ ନାହିଁ ଶୀତଳତା ।

ଜୀବ ଥାଇ ଯଦି ଚରିତ୍ର ନ ଥାଏ

ଧନ ଥାଇ ଯଦି ଦାନ ନ ଯୋଗାଏ

ନ ଥାଏ ଟି ଯଦି ମୁଖେ ମିଠା କଥା

ସେ ହୁଏ ସମାଜେ ପର ପାଇଁ ବ୍ୟଥା ।