ହେ ବଡ ଠାକୁର
ହେ ବଡ ଠାକୁର
ବଡ ଦେଉଳର ବଡ ଠାକୁର ହେ
ଡାକି ଡାକି ନାହିଁ ଶୁଣ
ନ ଶୁଣିବାକୁ କି ଶପଥ ନେଇଛ
ପକାଇ ଅଛ କି ରାଣ ।
ବାଜେ ଘଣ୍ଟ ଘଣ୍ଟି ଶୁଭେ କରତାଳି
ଚାରି ଦିଗରେ ଚହଳ
ଉଠିବାକୁ ହେବ ରତ୍ନ ସିଂହାସନୁ
ବସିବାକୁ ନାହିଁ ବେଳ l
ତୁମ ବିନା ଯଦି ଅନ୍ୟ ଗତି ଅଛି
କୁହ, ପାଇବାକୁ ପରିତ୍ରାଣ
ସଂସାର ଉଦ୍ଧାର ତୁମ ହାତେ ଡୋର
ଲାଗେ ନାହିଁ କେଉଁ କାମେ l
ଯଦି କର ହେଳା ବୁଡ଼ିବ କା ଭେଳା
ନିଶ୍ଚେ ଜାଣିଥିବ ତୁମେ
ପତିତପାବନ ବାନା ନ ଉଡାଅ
ଯଦି ବିରାଗରେ ତୁମ ମନ l
କେତେ ଯୁଗରୁ ଏ ଅହଲ୍ୟା ପାଷାଣୀ
ବସିଛି ବାଟକୁ ଚାହିଁ
ପଦ ରଜ ପାଇ ଶାପୁ ମୁକ୍ତି ହୋଇ
ସଂସାରୁ ଉଦ୍ଧାର ପାଇଁ l
ନ ଶୁଣିଲା ପରି ନ ଜାଣିଲା ପରି
ଆଉ ରହିଥିବ କେତେ ଦିନ l