ଜଣା ଓ ଅଜଣା
ଜଣା ଓ ଅଜଣା
1 min
8
ଜଣା ଓ ଅଜଣା ଅନେକ ଘଟଣା
ବୁଝିବାରେ ହୁଏ ଡେରି
ଦୁଇ ଆଖି ଯାହା ଦେଖିଦେଇ ଯାଏ
ନୁହେଁ ସବୁ ଏକା ପରି ।
କହିବା ଆଗରୁ ବୁଝିବା ନିଶ୍ଚୟ
ପ୍ରକୃତ ମାର୍ମିକ କଥା
ନବୁଝି ନଶୁଝି ଉତ୍ତର ରଖିଲେ
ହୃଦୟେ ଲାଗଇ ବ୍ୟଥା ।
ଶୁଣିବା କହିବା ଦେଖିବାରେ ସଦା
ନିଜେ ରହିବା ସଂଯତ
ସମୟ ସହିତ ଦୁନିଆ ବଦଳେ
ଯନ୍ତ୍ରଣା କରିଣ ଜାତ ।
ସମୟ ସହିତ ଲଢ଼ିବା ଶିଖିବା
ଆଡେଇ ଅଗାଡି ବ୍ୟଥା
ମନ ଓ ମସ୍ତିଷ୍କ ଶୀତଳ ରଖିଣ
ହିସାବେ ଗାଇବା ଗାଥା ।
ମାପିଚୁପି ଯଦି କରମ କରିବା
ମନରେ ରଖି ବିଶ୍ବାସ
ସୁସ୍ଥ ରହିବ ମନ, ତନ ଓ ହୃଦୟ
ଛୁଇଁପାରିବନି କ୍ଳେଶ ।