ଜଣେ ପ୍ରିୟବନ୍ଧୁଙ୍କ ପ୍ରୟାଣେ
ଜଣେ ପ୍ରିୟବନ୍ଧୁଙ୍କ ପ୍ରୟାଣେ
ଧୈର୍ଯ୍ୟ ବନ୍ଧ ଭାଙ୍ଗଇ ଛାତି ଯାଏ ଫାଟି l
ଦୁର୍ଯ୍ୟୋଧନ ବନ୍ଧୁ ତୁମେ ରହିଲ କେଉଁଠି ll
ଦୁଃସମ୍ବାଦ ମଧ୍ୟରାତ୍ରେ ପଠାଇଲେ ଚିତ୍ତ l
ଆହାରେ ମନ୍ଦ ଦଇବ ହରି ନେଲୁ ବିତ୍ତ ll
ବାନ୍ଧବ ବତ୍ସଳ, ଭାଇ ସ୍ୱଭାବେ ସୁଧୀର l
ବ୍ରତ ଥିଲା, ଯା'ର ସଦା ପର ଉପକାର ll
ବାଣୀ ଉପାସକ ଭାଇ ସମାଜ ସେବକ l
କୋଟିଏରୁ ଦ୍ବିଜ ପରି ଥିବେ ଅବା ଏକ ll
ମନେପଡ଼େ କାଲି ପରି ବନ୍ଧୁ ମିଶି ଗଲୁ l
ରାଣୀତାଲ ଉତ୍ସବରେ ମିଳିକି ଆସିଲୁ ll
ପୁଣି ଦେଇଥିଲେ, ବନ୍ଧୁ ପୁନଃ ନିମନ୍ତ୍ରଣ l
ଆଗାମୀ ଉତ୍ସବେ ପାଦଦେବ ବନ୍ଧୁଗଣ ll
ଶୁଭ ସକାଳ ବାରତା ଆସେ ପ୍ରତିଦିନ l
ଏକ ବି ଦିନ ଭୁଲେନା ବନ୍ଧୁ ଦୁର୍ଯ୍ୟୋଧନ ll
ଆହାରେ ମନ୍ଦ ଦଇବ କି କଲୁ ! କି କଲୁ l
ଅକାଳେ ପ୍ରିୟବନ୍ଧୁକୁ ଛଡ଼ାଇ ତୁ ନେଲୁ ll
ପ୍ରାର୍ଥନା ଏତିକି ମୋର ଆହେ ମହାପ୍ରଭୁ l
ଦିବ୍ୟ ଧାମେ ଦିବ୍ୟଆତ୍ମା ତା'ର ବାସ ଲଭୁ ll