ଜୟ ମା' କାଳୀ

କାଳି ମା' କାଳିମା ଦୂରେଇ ଦେଇ

ଆଲୋକରେ ଭରିଦିଅ,

କଳା ଶାଢୀ ପିନ୍ଧି କଳା ଅନ୍ଧାରେ

କଳଙ୍କକୁ ପୋଛିଥାଅ ||

ବିକଟଳ ରୂପ ଧରିଛ ତୁମେ

ଜଗତ ମଙ୍ଗଳ ପାଇଁ

ସଜ୍ଜନ ପାଇଁ ତୁମେ ବରଦାନ

ନାଶିନୀ ଦୁର୍ଜନ ପାଇଁ ||

ପ୍ରିୟ ତିଥି ମା ତୁମ ଅମାବାସ୍ୟା

ଶମଶାନ ପ୍ରିୟ ସ୍ଥାନ

ଏହି ତିଥିରେ ତନ୍ତ୍ର‍ ମନ୍ତ୍ର ପୂଜା

କରନ୍ତି ତାନ୍ତ୍ରିକଗଣ ||

ସିଦ୍ଧିଦାତ୍ରୀ ମା ଖର୍ପର ଧାରିଣୀ

ରକ୍ତ ଶୋଷୁ ରାକ୍ଷାସର

ଚଣ୍ଡାସୁର ନାଶ ସମୟେ ସୃଷ୍ଟି

ମହାକାଳୀ ଅବତାର ||

ଲୋଳ ଜିହ୍ବା ଭୟ ସୃଷ୍ଟି କରଇ

ପାପୀ ଦୁରାଚାରୀ ପାଇଁ

ଅନ୍ୟ ଭୁଜା ପ୍ରଦାନେ ବରଦାନ

ଅଭୟ ଆଶିଷ ଦେଇ ||

ଶିବାରୁଢ ମୁଣ୍ଡମାଳଧାରିଣୀ

ଶ୍ୟାମାକାଳୀ,କୃଷ୍ଣକାୟା

ସୃଷ୍ଟିରୁ ବିନାଶ ବିନାଶୁ ସୃଷ୍ଟି

ସବୁଠି ତୁମରି ମାୟା ||

ଦଣ୍ଡୁଆ ଅଗ୍ରଦେବୀ ଦଣ୍ଡ ନାଚେ

ବୈଶାଖରେ ଧୂଳିଦଣ୍ଡ

ମେରୁ ଯାତରେ ଅଙ୍ଗାରେ ଚାଲନ୍ତି

କାଳିସୀ ରୂପ ପ୍ରଚଣ୍ଡ ||

ପ୍ରଦୂଷିତ ମା' ହେଲାଣୀ ମଣ୍ଡଳ

ଆତସୀ ବାଣ ଫୁଟାଇ

ହୃଦୟେ ଭରି ଦିଅ ସଦବୁଦ୍ଧି

ଦୀପେ ପାଳୁ ଦୀପାବଳୀ ||

ସୁଶ୍ରୀ ସାହୁ

ଶିଲଂଗ

ମେଘାଳୟ