କାଳିଆ ସୁନା
କାଳିଆ ସୁନା
କାଳିଆ ସୁନା ମୋର କାଳିଆ ସୁନା
ଦେଉଛ କେତେ ଯାତନା
ସବୁ ଦେଖୁଅଛ ସବୁ ବୁଝୁଅଛ
ବୁଝି କି ବୁଝି ପାରନା
ଭାବେ, ଏହିକି ମୋର ପାଉଣା ।
ମନ ଇଲାକାର ତୁମେ ସହଚର
ଅନ୍ତର ବେଦିରେ ରହି
ସତକର୍ମ ପଥେ ନିଅ ଜଗନ୍ନାଥେ
ଦିଅ ତ ବାଟ କଢେଇ
ପାଞ୍ଚ ମନେ ବନ୍ଧା ଏ ଶରୀର ସଦା
ସୁମନ ସଦା କାମନା ।
ହୁଅନା ବିମନା କିଏ ତୁମ୍ଭ ବିନା
ତାରିବାକୁ ଅଛି ଶକ୍ତି
କର୍ମ ଫଳ ମତେ ଦଣ୍ଡ ଦେବ ମୋତେ
ସହିଯିବି ଶିର ପାତି
ଭୋଗୁଛି ଯାତନା ଏ ଜୀବନେ ସିନା
ଅପକର୍ମର ପାଉଣା ।