ଲୋକମାନ୍ୟ ତିଲକ୍

ଜାତି ନନ୍ଦିଘୋଷେ ରଥୀ ବାଲ୍ ଗଙ୍ଗାଧର l 

ତିଲକ ମୋ ଜାତି କୁଳେ ତୀଳକ ପ୍ରବର ll

ବାଗ୍ମୀ ଜାତିପ୍ରେମୀ ଜନନେତା ବ୍ରହ୍ମବାଦୀ l

ଗୀତା ରହସ୍ୟ ବାଣ୍ଟିଲ ଦିବ୍ୟ ଜ୍ଞାନ ସାଧି ll

ସ୍ବାଧିନଚେତା, ନିର୍ଭୀକ, ସତ୍ୟସନ୍ଧ ବୀର l

ଗାନ୍ଧୀଙ୍କୁ କରିଲ ଦେଶ ମନ୍ତ୍ରେ ଆଗୁସାର ll

ସ୍ୱାଧୀନତା ଅଟେ ମୋ'ର ଜନ୍ମ ଅଧିକାର l

ଇଂରେଜ ହାରିଲେ ନିଦ ନାଦ ଭୟଙ୍କର ll

ସ୍ବାଧୀନ ସମରେ ତୁମେ ଭାରତର ଲାଲ୍ l

ଲାଲ୍ ବାଲ୍ ପାଲ୍ ତ୍ରୟ କଲ କି କମାଲ ll

ଗଣେଶ ଚତୁର୍ଥୀ ଏବେ ଆସୁଅଛି ଆଗେ l

ତିଲକଙ୍କ ଜୟକାର ମହାରାଷ୍ଟ୍ରେ ଶୁଭେ ll

ଜାଲିଆନାବାଗେ ସେ ନିଷ୍ଠୁର ଗଣହତ୍ୟା l

ଦାରୁଣ ବ୍ୟଥା ପାଇଲ ବନ୍ଦ କଲ ବାର୍ତ୍ତା ll

ଯଥାର୍ଥେ ତୁମ୍ଭେ ଅଟ ଏ ଜାତିର ନିର୍ମାତା l

ମହାମନା ଭାରତର ସୌଭାଗ୍ୟ ବିଧାତା ll

ପ୍ରଣାମ ପ୍ରଣାମ ଆହେ ସର୍ଵ ଲୋକମାନ୍ୟ l

ଭାରତମାତାର ତୁମ୍ଭେ ସୁଯୋଗ୍ୟ ସନ୍ତାନ ll