ମାଲିକ ଓ ଚାକର
ମାଲିକ ଓ ଚାକର
ମାଲିକ ଓ ଚାକରର କଥା
ବ୍ୟଥା ହୁଏ କିଛି ଜଣକୁ,
ପ୍ରଭୂଙ୍କ ପ୍ରତି ଭକ୍ତର ସଚ୍ଚୋଟ ଓ ବିଶ୍ବାସତା
ପରମ୍ପରା ଥାଏ କାଳକୁ ।
ମାଲିକକୁ ଚାକର ଦିଏ କ୍ଷୀର ଲିଟର
ବାରମ୍ବାର ହିସାବ କରି,
ହେଲେ ତା ଦେହ କାହିଁକି ଲାଗୁନି
ମନରେ ସନ୍ଦେହ ଭରି ।
ସନ୍ଦେହକୁ ଦୂର କରିବାକୁ ଯାଇ
ଜଗୁଆଳିଟିଏ ରଖେ,
ଜଗିୁଆଳି ସଙ୍ଗେ ଚାକର ମିଶି
ଅଧା କ୍ଷୀରକୁ ଫାଙ୍କେ ।
ଦିହ କାହିଁପାଇଁ ଶୁଖି ଯାଉଅଛି
ମାଲିକର ସନ୍ଦେହ ଜାତ,
ଚେଲାକୁ ରଖିଛି ଜାଣିବା ପାଇଁକି
କ୍ଷୀରପାଣିର ଅନୁପାତ ।
ମାଲିକ ବିଚରା ହୋଇଯାଏ ରୁଗୁଣ
ଦିନେ ଜାଣେ ସତକଥା,
ଚାକର, ଜଗୁଆଳି, ଚେଲା ମିଶିଣ
ସେହି ସମାନଭାଗର ଗାଥା ।
ସରକାର ଓ ଜନତାଙ୍କର କଥା
ଆଉ ନ କହିବା ଭଲ,
ଯନ୍ତ୍ରୀ, ମନ୍ତ୍ରୀ, ତନ୍ତ୍ରୀ, ଟାଉଟର ଆଦି
ଦେଶକୁ କରନ୍ତି ଖୋଳ ।
କିଏ ଦେବ ସଞ୍ଜିବନି ଓ ମଧୁମୟ
ହେବ ଆଶା ଭରଷାର ବିନ୍ଦୁ,
କିଏ ଏଇଠି କାହାକୁ ଜଗିବ
ତାହା ବିଚାର କର ବନ୍ଧୁ ।