ଫେରାର ଈଶ୍ବର
ଫେରାର ଈଶ୍ବର
ସବୁଆଡେ ହାହାକାର
ମୃତ୍ୟୁର ତାଣ୍ଡବ
ଲୁହର ବନ୍ୟାରେ ଭାସେ ଗାଁ ଓ ସହର
ସର୍ବଂସହା ଛାତି ବି
କୋହେ ଥରହର
ଲାଗୁଛି ଚାଲିବ ଏଥର
ସଂସାରୀ ବିନା ସଂସାର
ଆସ୍ତିକ ନାସ୍ତିକ ଆଜି ହୋଇ ଏକ
ଖୋଜନ୍ତି ଈଶ୍ୱର
ମନ୍ଦିରଠୁ ମସଜିଦ
ଚର୍ଚ୍ଚଠୁ ଗୁରୁଦ୍ୱାର
ନାହିଁ କେଉଁଠାରେ ଚିହ୍ନବର୍ଣ୍ଣ
ଅବା ପାଦଚିହ୍ନ
ହା ହତାଶ ଭିତରେ
ବିନା ମେଘେ ହୁଏ ବଜ୍ରପାତ
ଶୁନ୍ୟବାଣୀ ଶୁଭେ ଆକାଶରୁ
ନିଜ ଠିକଣା ବଦଳାଇ କେବେଠାରୁ
ଫେରାର ଅଛନ୍ତି ଈଶ୍ୱର ।