ପ୍ରେମ..
ପ୍ରେମ..
ଯେଉଁ ଇଚ୍ଛାଶକ୍ତିରେ,
ଥାଏ ଟିକିଏ ଖୁସି, ଅଳ୍ପ ହସ
ସମ୍ୟକ ରାଗ, ଅନେକ ଶ୍ରଦ୍ଧା
ସତ ସଦିଚ୍ଛା, ଅନାବିଳ ଆସ୍ଥା
ଅନେକ ସ୍ନେହ, ବହୁତ ବିଶ୍ୱାସ
କିଛି ସମ୍ଭାବନା ଓ ପ୍ରତିଶୃତିର
ନିରଳସ ପ୍ରତିଛବି,ପ୍ରତିବିମ୍ବ,
ସେ ସଶ୍ରଦ୍ଧ ଇଚ୍ଛାଶକ୍ତି,
ହେଉଛି ଆମ ପ୍ରେମ.. |
ଯେଉଁ ଦୃଢ଼ ଦୃଷ୍ଟି ଶକ୍ତିରେ,
ଥାଏ ସ୍ୱତଃ ସାଧୁତା, ସ୍ୱଚ୍ଛତା,
ଦୃଢ ଦାମ୍ଭିକତା, ନିତି ନିର୍ଭିକତା
କିଛି ଅନୁଭବ ଓ ଅନୁଭୂତିରେ ସେ
ନିଃସ୍ଵାର୍ଥପର ନିରବ ସାଧନାର
ଅନ୍ୟ ନାମ,
ସେ ଆମ ପ୍ରେମ...|
ସମ୍ୟକ ଦୃଷ୍ଟିରେ ଯହିଁ,
ଅନେକ ଅସ୍ମିତା, ବହୁ ବାଗ୍ମିତା
ଅତୁଲ୍ୟ ଆବେଗ, ସ୍ଥିର ଭାବାବେଗ
ସୂକ୍ଷ୍ମ ଭାବ ପ୍ରବଣତା, ସ୍ୱଚ୍ଛ ସରଳତା
କର୍ତ୍ତବ୍ୟ ନିଷ୍ଠା ଓ ଆଚାର ବିଚାରରେ
ନିର୍ଭିକ ଗୁରୁ ଗମ୍ଭୀର ପ୍ରବଣତା,
ଯିଏ ଦେଇପାରେ ମୂଲ,
ସେ ହୋଇ ପାରେ,,,
ଆମ ପ୍ରେମ...|
ସୃଷ୍ଟି ସମ୍ଭାବନାରେ ଯିଏ,
ସର୍ବ ସମ୍ମୁଖରେ, ସର୍ବ ସମ୍ମତିରେ
ଧର୍ମ ଧାରଣାରେ, ଧର୍ମ ବିଶ୍ୱାସରେ
ସତ୍ୟ ବଚନରେ ଓ ସର୍ବାନ୍ତରରେ
ସବୁ ପରିସ୍ଥିତି,ପରିବେଶରେ,
ସର୍ବ ସିଦ୍ଧ ପ୍ରତୀକ ସେ
ସେ ଆମ ପ୍ରିୟ, ପ୍ରିୟତମ,
ସେ ଆମର ନିହାତି
ନିଜର, ସେ
ଆମ ପ୍ରେମ...|