Library
ପ୍ରତିଶୋଧ
ପ୍ରତିଶୋଧ
ବୁଝେନା ମୁଁ ମୋ ଜୀବନର ଗତିପଥ
ବୁଝେନା ମୁଁ ମୋ ଜୀବନର ଚଲାପଥ
ସଭିଏଁ କିନ୍ତୁ କରନ୍ତି
ମୋ ଜୀବନର ଗତିରୋଧ
କାହିଁକି କେଜାଣି ମୁଁ ବୁଝି ପାରେନା
ମୋ ଶତ୍ରୁଙ୍କ ଉପରେ ମୁଁ ପ୍ରତିଶୋଧ ।
ଅତୀତ ଓ ବର୍ତ୍ତମାନ ସବୁକୁ ମୁଁ ବୁଝେ ସମାନ
ସବୁ ପରିସ୍ଥିତି ଓ ସବୁ ପରିବେଶରେ
ସଭିଙ୍କୁ ମୁଁ ଦିଏ ସମ୍ମାନ
ମୁଁ କିନ୍ତୁ ମୋ ଜୀବନେ ପାଏ ଖାଲି ଧୋକା
ଜୀବନର ପ୍ରତି ମୁହୂର୍ତ୍ତେ ଚାଲେ ଏକା ଏକା
ନୀତି ଆଦର୍ଶ ମଧ୍ୟେ ଗଣେ ମୁଁ ପ୍ରମାଦ
ସାହାଯ୍ୟ ଓ ସହାନୁଭୂତିରେ ଖୋଜେ
ମୁଁ ମୋ ଜୀବନେ ଅନେକ ହର୍ଷ ଓ ବିଷାଦ
ମଣିଷ ପଣିଆ ଓ ମାନବିକତାର
ବୁଝି ପାରେନା ମୂଲ୍ୟବୋଧ
ଜୀବନଟା ମୋ'ର କଟେ ହୋଇ ଖାଲି
ଦୁଃଖ ଓ ଅବସାଦ
ଜୀବନ ମୋ ହୋଇଯାଏ ଦୁର୍ବିସହ
କଟେ ଖାଲି ମନ ଓ ହୃଦୟ ମଧ୍ୟେ ଦ୍ଵନ୍ଦ୍ଵ
ଖୋଜେ ଖାଲି ଅପର ପରେ
ନେବା ପାଇଁ ପ୍ରତିଶୋଧ ।
କିଏ ଏଠି ସଚ୍ଚୋଟ
କିଏ ସତ୍ୟ ନିଷ୍ଠ
କାହାକୁ କହିବି ସତ୍ୟବାନ୍
କିଏ ବା ମହାନ୍
ନିରପେକ୍ଷତା ଅବଲମ୍ବନ କରି
ହା ହୁତାଶନେ କଟେ ମୋ ଜୀବନ
ସଭିଏଁ ଅର୍ଥ ଓ କ୍ଷମତାରେ ଅନ୍ଧ
ଶାନ୍ତି ମୈତ୍ରୀର ନାହିଁ ନାମ ଗନ୍ଧ
ସେ ପାଇଁ ନେବାକୁ ଚାହେଁ
ମୁଁ ଅମଣିଷ ମାନଙ୍କ ଉପରେ ପ୍ରତିଶୋଧ ।
ବିଳାସ ବ୍ୟସନେ କଟାନ୍ତି ଜୀବନ
ଆମ ଏ ସଭ୍ୟ ସମାଜର ନେତୃବୃନ୍ଦ
କ୍ଷମତାରେ ସେମାନେ ଅନ୍ଧ
ପରଶ୍ରୀକାତରତା କପଟତାରେ
ହୋଇ ସଭିଏଁ କ୍ଷମତାରେ ଅନ୍ଧ
ଭୁଲନ୍ତି ମାନବିକତା ଓ ମଣିଷ ପଣିଆ
ନିଜକୁ ସଜାନ୍ତି ଶାସନ ଓ ଶୋଷଣର
କ୍ଷମତାଲିପ୍ସୁ ଅନ୍ଧ
ସେହି ପାପୀ ମାନଙ୍କ ବିନାଶ ପାଇଁ
ତାଙ୍କ ଉପରେ ନେବାକୁ ଚାହେଁ
ମୁଁ ମୋ ଆଦର୍ଶ ଗତ ପ୍ରତିଶୋଧ ।
କିଏ କୁହେ ମୁଁ କରେ କୁଆଡେ
ସ୍ଵଛାଚାରୀ ଓ ଅତ୍ୟାଚାରୀଙ୍କ ପ୍ରତିବାଦ
କିଏ ମୋତେ ଆଖ୍ୟା ଦିଏ ମୁଁ ଉନ୍ମାଦ
କିଏ କୁହେ ମୋତେ ମୁଁ ଉତ୍ଶୃଙ୍ଖଳ
ହତ୍ୟାକାରୀ ଓ ଅତ୍ୟାଚାରୀଙ୍କ
କରେ ପ୍ରତିବାଦ
ଦୁଷ୍କର୍ମ କାରୀ ଭ୍ରଷ୍ଟାଚାରୀଙ୍କ ପାଇଁ
ମୁଁ କୁଆଡ଼େ ସୃଷ୍ଟି କରେ ପ୍ରମାଦ
ନିରବଚ୍ଛିନ୍ନ ଭାବେ ମୁଁ କରେ
ଏ ଅତ୍ୟାଚାରୀ ଓ ହତ୍ୟାକାରୀଙ୍କ ପ୍ରତିବାଦ
ଭ୍ରଷ୍ଟ ଓ ନଷ୍ଟ ଚରିତ୍ରଙ୍କ ଉପରେ
ନିଏ ମୁଁ ପ୍ରତିଶୋଧ
ମୁଁ ସତ୍ୟ ନିଷ୍ଠ ମୁଁ ନ୍ୟାୟ ଶ୍ରେଷ୍ଠ
ହତ୍ୟାକାରୀ ଅତ୍ୟାଚାରୀ ଓ ଦେଶଦ୍ରୋହୀଙ୍କ
ଉପରେ କାଳେ ନିଏ ପ୍ରତିଶୋଧ
ମାନବିକତା ଓ ମଣିଷ ପଣିଆର ବୁଝିଛି
କୁଆଡେ ମୂଲ୍ୟବୋଧ ।
