ସାଧାରଣତନ୍ତ୍ର ଦିବସ
ସାଧାରଣତନ୍ତ୍ର ଦିବସ
ଭାରତ ହୋଇଣ ବିଦେଶୀଙ୍କ କରଗତ
ସହୁଥିଲେ ଜନେ ଦୁଃଖ କଷ୍ଟ ଅବିରତ ।
ବହୁ ଆନ୍ଦୋଳନ ଆଉ ବିଦ୍ରୋହ ବଳରେ
ସ୍ବାଧୀନତା ଲାଭ ହୋଇଲା ଯାଇ ଶେଷରେ ।
ନିଜ ହାତେ ଦେଶବାସୀ ଆପଣା ଶାସନ
କରିବାର ଅଧିକାର ପାଇ ସ୍ବ‐ଅଧିନ ।
ବୋଲାଇ ଦେଶକୁ ଆମ୍ଭେ କରୁଛୁ ଶାସନ
ଗଣତନ୍ତ୍ର ଦେଶ ଭାବେ ବିଶ୍ବେ ବୃହତ୍ତମ ।
ଅଟଇ ଆମର ଏଇ ଦେଶ ଯେ ଭାରତ
ଏହାର ଗୌରବ କୀର୍ତ୍ତି ଗାରିମା ଅଶେଷ ।
ଏ ବିଶାଳ ଆଉ ବିଭିନ୍ନତା ଭରାଦେଶ
କିପରି ସ୍ବାଧୀନ ଭାବେ ହେବ ସୁଶାସିତ ।
ତହିଁର ବିବିଧ ବିଧି ବ୍ୟବସ୍ଥା ବିଧାନ
ଲେଖାଯାଇ ସୁପ୍ରସ୍ତୁତ ଆମ୍ଭ ସମ୍ବିଧାନ ।
ପୃଥିବୀର ବୃହତ୍ତମ ଲିଖିତ ଆଇନ
ଗ୍ରନ୍ଥ ଭାବେ ଖ୍ଯାତ ଅଟେ ଆମ୍ଭ ସମ୍ଭିଧାନ ।
ଏହି ସଂବିଧାନ କାର୍ଯ୍ଯକାରୀ ହେବାର ଦିବସ
ସ୍ମରଣ ପାଇଁକି ଗଣତନ୍ତ୍ରର ଦିବସ ।
ବା ସାଧାରଣ ତନ୍ତ୍ର ଦିବସ ପାଳନ
ପାଇଁ କି ସକଳେ ହେଉ ଆନନ୍ଦିତ ମନ ।
ପ୍ରତି ବର୍ଷ କରି ଜାତୀୟତା ଗୁଣଗାନ
କରି ଜାତୀୟ ସମୃଦ୍ଧି ପ୍ରତି ଜାଗରଣ ।
ଜାତୀୟ ପତାକା ଉତ୍ତୋଳନ କରି
ସମ୍ବିଧାନର ସମ୍ମାନ ସଂରକ୍ଷଣ କରି ।
ଜାନୁଆରୀ ମାସ ଛବିଶ ତାରିଖ ଟିକୁ
ଗଣତନ୍ତ୍ର ଦିବସ ଭାବରେ ପାଳିବାକୁ ।
ହୋଇଛି ବିଧାନ ଏହି ଦିବସ ପାଳନେ
ଆନନ୍ଦ‐ ଉଲ୍ଲାସ ଭରେ ମାତି ସର୍ବ ଜନେ ।
ଦେଶର ସବୁଠି ଭରେ ଆନନ୍ଦ ଉତ୍ସାହ
ସବୁ ଅନୁଷ୍ଠାନ ମାନ ପାଳନ୍ତି ଏ ଅହ ।