ସହୋଦରୀ
ସହୋଦରୀ
ତୁମେ ଡାକିଲେ ସରାଗେ ଆବେଶେ
ସାଜିବସେ ଲାଜବତୀ ଗୋରୀ
ଯିବି କି ଯିବିନି ଭାବି ଭାବି ଭାବେ ଅଭାବେ
ହସିବସେ ଫୁଲମତୀ ସୁକୁମାରୀ ।
ତୁମେ ଦେଖିଲେ ପରାଗେ ବିରାଗେ
ଲାଜେଇବସେ ଋତୁମତୀ କୁମାରୀ
ତଳକୁ ଚାହିଁ ମୁରୁକି ହସେ ବସେ
ମଉନାବତୀ କନକଗୋରୀ ।
ତୁମେ ଚାହିଁଲେ କଣେଇ କଣେଇ
ଲୁଚିବସେ ଗର୍ଭବତୀ ପରି
କିଂକର୍ତ୍ତବ୍ୟବିମୂଢ ତଥାସ୍ତୁ ମୁଦ୍ରାଧାରୀ
ତୁନିହସେ ଲାବଣ୍ୟବତୀ ନାଗରୀ ।
ତୁମେ ମିଛେ ମିଛେ ରାଗିଲେ ଭାରି
ଚିନ୍ତିବସେ ଚନ୍ଦ୍ରାବତୀ ନାରୀ
ମୁଖଉଂଗୀରେ ଚିଗୁଲେଇ ଧମକେଇ
ଘୁମିବସେ କନକବତୀ ସର୍ବରୀ ।
ତୁମେ ହସଖୁସି ଇମୋଜି ପଠେଇଲେ
ପଢିବସେ ସରାଗବତୀ ନାରୀ
ଆପେ ଆପେ ନୃତ୍ୟନାଟିକା କରି
ଆଉଜିବସେ ରଙ୍ଗବତୀ ପରୀ ।
ତୁମେ ଭିଡ଼ିଓ କଲ୍ କଲେ ରାତିରେ ମଝିରେ
ଘୋଡିବସେ ରସବତୀ ଦାରୀ
ଅଳପ ଗଳପ ଭିତରେ ଆଳାପ
ମାଡିବସେ ଲଜ୍ୟାବତୀ ଶାକମ୍ବରୀ ।
କେତେ ଆଉ ଲୁଚେଇବି ଭଣ୍ଡେଇବି ଶ୍ରୀପତି
ରୂପବତୀ ପ୍ରେମବତୀ
ଅବଗୁଣ୍ଠନବତୀ ସହଚରୀ
ରାଜଯୋଟକ ମେଳ ହେବ ଆମର
ମଧୁମତୀ ସତ୍ୟବତୀ
ଶ୍ରୀମତି ଆନନ୍ଦବତୀ ସହୋଦରୀ ।