ସ୍ମୃତି ଅନୁଭୂତି
ସ୍ମୃତି ଅନୁଭୂତି
ଅନେକ ସ୍ମୃତି କୁ ହୃଦୟେ ସାଇତି
ବାଟ ମୁଁ ଚାଲୁଛି ଆଜି
ମନେ ପଡେ ମୋର ପ୍ରତି ଅନୁଭୂତି
ତୁମ ସାଥେ ବିତେଇଛି ।
ହେ ମୋର ସାଥୀ ମନେ କି ବା ନ ପଡେ
ସେଇ ଅଭୁଲା ଦିନ
ତୁମ ସାଥେ ଦିନେ କଥା ନ ହେଲେ ମୁଁ
କରୁ ଥିଲ ଅଭିମାନ ।
ମୋ ଫୁଲେଇ କଥା ରେ କେତେ ହସୁ ଥିଲ
ରାଗ ଟିକେ ବି ନଥିଲା
ଗେହ୍ଲେଇ ଗେହ୍ଲେଇ କଥା ହେଉ ଥିଲି
ଲାଜ ଟିକେ ଲାଗୁ ଥିଲା ।
ହାତ ମୋର ଧରି କେତେ କଥା ମତେ
କହି ଯାଉ ଥିଲ ସତେ
ମତେ ପାଇ ଗଲେ ସବୁ ପାଇ ଯିବ
ଦୁନିଆ ର ଖୁସି ଯେତେ ।
ମନେ ପଡେ ସବୁ ଅଭୁଲା ଦିନ ତ
ଭୁଲି କି ବା ସିଏ ହବ
ସେ ଦିନ ନାହିଁ ସତ ସିନା ସାଥୀ
ତୁମେ ତ ସାଥିରେ ଥିବ ।
ତୁମେ ଅଛ କାଲି ଅଛ ପୁଣି ଏବେ
ରହିବ ଆଗ କୁ ସଦା
ସ୍ମୃତି ସବୁ ମୋର ମନେ ଅଛି ସାଥୀ
ଲେଖୁଛି ତା ପାଇଁ କବିତା ।