24-9 પુણ્યતિથિ
24-9 પુણ્યતિથિ
કંઈક ખૂટતું લાગે છે ભઈલા
કંઈક છૂટતું લાગે છે મારા વ્હાલા વીરા,
દુઃખોનું પોટલું ઉઠાવવું ભારે લાગે છે
મનની વાતો મનમાં સંગ્રહ કરી લઉં છું,
મારું દુઃખ બસ મારા પૂરતું કરી લઉં છું,
તારા સિવાય મને કોઈ સમજવાવાળું નથી
એટલે શબ્દોને મૌનનું આભૂષણ સજાવી લીધું છે,
કયારેક મન થાય છે કે પંખી બની
તારી દુનિયામાં આવી જવું,
જ્યાં પપ્પા, બા, માસી ને તું રહે છે,
એ દુનિયામાં કાયમ માટે વસી જવું
મારાં વીરા તારા વિના બધું ખોવાયેલું લાગે છે.