કે હવે એ નહિ ચાલે
કે હવે એ નહિ ચાલે
કર સ્પર્શ મારા મનને હવે,
તું અડે ફક્ત તનને મારા,
હવે એ નહિ ચાલે.
ચૂમ મારા હદયને હવે
તું ચૂમે ફક્ત મારા હોઠોને
હવે એ નહિ ચાલે.
ભર સિન્દૂર મારી માંગમાં
તું આપે ફક્ત વિશ્વાસ
હવે એ નહિ ચાલે.
લે આલિંગન મારા સ્વપ્નાઓનું પણ
તું બાથ ભારે ફક્ત શરીરને,
હવે એ નહિ ચાલે.
હું ખોટી છું એ સાબિત કર,
તું જ ફક્ત સાચો ઠેરે,
હવે એ નહિ ચાલે..
કર સ્મરણ મારા સારા કામોનું પણ,
તું ફક્ત ભૂલો જ જણાવે
હવે નહિ ચાલે.
મળાવ ક્યારેક મને તારા માત - પિતાથી પણ
તુ મળાવે ફક્ત મિત્રોને,
હવે નહિ ચાલે.
મળ મને ક્યારેક મારા સમયે પણ,
મળે મને ફક્ત તું તારા સમયે,
હવે નહિ ચાલે.