ನನ್ನ ಸರದಾರ!!!
ನನ್ನ ಸರದಾರ!!!
ಅಂತಂತವನಲ್ಲ ನನ್ನ ಸರದಾರ!
ಬಲು ಖಡಕ್ ಜಮಾದಾರ!
ಕೈ ಹಿಡಿದಾಗ ಗಟ್ಟಿ ಮುಟ್ಟೆನಿಸುವವ
ಕೈ ಬಿಟ್ಟಾಗ, ಮುಟ್ಟಿ ನೋಡಿಕೋ ಎನ್ನುವವ
ಅಂತಂತವನಲ್ಲ ನನ್ನ ಸರದಾರ!
ಸೊಗಸುಗಾರ ನನ್ನ ಸರದಾರ
ಮೋಜಿನಲಿ ಹಗಲುಗನಸು ಕಾಣಿಸುವವ
ಸೋಜಿಗದ ತರುಣನವ, ಶೋಕಿಯವ
ಕುಲುಕುಲು ನಗಿಸುವವ ನನ್ನವ
ಅಂತಂತವನಲ್ಲ ನನ್ನ ಸರದಾರ!
ಎಂತವರ ಮನಸನೂ ಗೆಲ್ಲುವವ
ನಿಂತಲ್ಲೇ ಮೈಮನ ಸೆಳೆಯುವವ
ಕುಂತಲ್ಲೇ ಅಂತರಂಗವ ಭೇದಿಸುವವ
ಕುಂತಲ್ಲೇ ಒಲವ ಸುಖ ಬಯಸುವವ
ಅಂತತವನಲ್ಲ ನನ್ನ ಸರದಾರ..!!