ಕರುನಾಡು
ಕರುನಾಡು
ಎಂತ ಸೊಬಗಿನ ನಾಡು
ಸೊಬಗು ಸೂಸುವ ನಾಡು
ನನ್ನೊಲುಮೆಯಾ ನಾಡು ಕರ್ನಾಟಕ
ಶೂರ ಧೀರರ ನಾಡು
ಸಿರಿಗಂಧದಾ ಬೀಡು
ಸಕಲ ಸಂಪದಗಳಾ ನಾಡು ಕರ್ನಾಟಕ
ಹಾಲ ಸವಿ ಜೇನ ಸಿಹಿ
ನನ್ನ ತಾಯಿಯ ನುಡಿಯು
ಮೃದು ಮಧುರ ಕವಿ ವಾಣಿ ಕರ್ನಾಟಕ
ಕೃಷ್ಣ ಶರಾವತಿ ತುಂಗೆಯರು
ಕಾವೇರಿ ಕಪಿಲಾ ಭಧ್ರೆಯರು
ಜೀವ ನದಿಗಳಾ ನಾಡು ಕರ್ನಾಟಕ
ಹಳದಿ ಕೆಂಪಿನ ಧ್ವಜವು
ನಿನ್ನ ಮುಡಿಗಲಂಕೃತವು
ಶಾಂತಿ ಸೌಹಾರ್ದಗಳ ನಾಡು ಕರ್ನಾಟಕ
ನವರಸಾಲಂಕಾರಗಳು
ನಿನ್ನ ನುಡಿ ಮುತ್ತುಗಳು
ಷಟ್ಪದಿ ವಿಭೂಷಿತ ಖ್ಯಾತ ಕರ್ನಾಟಕ
ಜಯತು ಕನ್ನಡ ತಾಯಿ
ಜಯತು ಮಂಗಳ ಮಾತೆ
ಜಯ ಜಯತು ಜಯ ನಿನಗೆ ಕರ್ನಾಟಕ