అనూహ్య మార్పు
అనూహ్య మార్పు
పిట్ట కొంచెం కూత ఘనం లా
సూక్ష్మమైన వైరస్ కరోనా, కొండంత మార్పుల్ని తీసుకొచ్చింది/
రిటైర్మెంట్ తర్వాత జీవితాన్ని ఒకసారి రుచి చూపింది/
కాళ్లు కుదురుగా నిలపలేని వాళ్ళని
ఇంటిలోనే కట్టిపడేసింది/
చెట్టుకో పుట్టకో ఉండే కుటుంబ సభ్యుల్ని ఒక గూటికి చేర్చింది /
శుచిశుభ్రతలను తప్పనిసరి చేసింది/
గృహమే స్వర్గసీమ అని రుజువు చేసింది/
మేము సైతం అంటూ మగవాళ్ళని, పిల్లల్ని
గరిట, చీపురు పట్టించింది/
గడప దాట కూడదనే
అదృశ్య లక్ష్మణ రేఖను లిఖించింది/
ప్రాచీన సాంప్రదాయాల ఔన్యత్యాన్ని తెలియ జేసింది/
మితిమీరిపోతున్న హంగు ఆర్భాటాలకు కళ్లెం వేసింది/
మనుషుల పట్ల శాపంగా
ప్రకృతి పాలిట వరంలా మారిన ఈ మహమ్మారి
ఇంకెన్ని వింతలు,అనూహ్య మార్పులు చూపించ నుందో/