ఎవరన్నారు నాన్న వెనకబడ్డాడ ని

ఎవరన్నారు నాన్న వెనకబడ్డాడని

తన గుండె వెనుక నన్ను దాచుకున్నాడు

నా వెనుక నిల్చొని చేయి పట్టి నడక నేర్పాడు

తన ఎదనే పాన్పు చేసి నను జోకొట్టాడు

ఎవరన్నారు నాన్న వెనకబడ్డాడని

నా వెనుక రక్షణ కవచమై నిలిచాడు

చేయి వెనుక చేయి పట్టి ఓనమాలు దిద్దించాడు

బుల్లెట్ మీద నా వెనుక కూర్చొని షికారు తిప్పాడు

ఎవరన్నారు నాన్న వెనకబడ్డాడని

నా ఊసుల వెనుక ఊకొడుతూ వినేవాడు

తన సప్తపదుల జీవన గమనములో

47 ఏళ్లు నా వెనకే తన ఆలోచనలు నా పురోగతికై

ఎవరన్నారు నాన్న వెనకబడ్డాడని

నా ప్రతీ చర్యలో నా వెన్నంటే ఉన్నాడు

ఈ లోకాన నా ఆగమనానికి వెనుక కారణమయ్యాడు

అందమైన నా జీవితానికి ఆదర్శవంతుడు