ప్రకృతి తడబడింది
ప్రకృతి తడబడింది
నిత్యం వాహనాల కాలుష్యం తో
ఊపిరి సలపక ఉక్కిరిబిక్కిరైన ప్రకృతి
ఒక్కసారిగా కాలుష్య రాహిత్యాన్ని చూసి తడబడింది/
శబ్దకాలుష్యంతో చెవిటి అయిన ప్రకృతి
పక్షుల కిలకిల రావాలతో తడబడింది/
నిత్యం రక్తసిక్తమయ్యే రహదారులు నేడు
నిర్మానుష్యంగా అగుపించేసరికి ప్రకృతి తడబడింది/
జనావాసాలలో స్వేచ్ఛగా విహరిస్తున్న
జంతువులను చూసి ప్రకృతి తడబడింది/
నిర్జీవమైన జీవనదులు
నేడు సజీవమై పరవళ్ళు తొక్కుతూ ఉంటే చూసి
ప్రకృతి తడబడింది/
ఇన్ని మార్పులను ఒక్కసారిగా చవిచూసిన ప్రకృతి
ఋతువులనే మరిచిపోయేలా తడబడింది/
నేటి అకాల వర్షాలే అందుకు సాక్ష్యం.