கல்வி இன்று கடைத் தெருவில்
கல்வி இன்று கடைத் தெருவில்
கல்வி இன்று கடைத்தெருவில்
அரசாங்க பள்ளியோ அர்த்தமில்லாமல் போனது
அவரவர் வருமானத்திற்கு தனிப்பள்ளியும் வந்தது
அந்நிய மொழியில் பள்ளிக்கும் சேர்ந்தது
அவனும் தாய்மொழியை அடியோடவே மறந்தது
பள்ளிப் பாடமும் பயனறியாமல் போனது
பாடத்திற் கெல்லாம் தனிவகுப்பும் வந்தது
பாடம் வளர்க்கும் சுயஎண்ணம் போனது
பாடம் தாய்மொழியில் இல்லாததால் வந்தது
பள்ளிப் பாடமோ சுமைகளாய் ஆனது
பள்ளிக்குச் செல்லும் மனநிலையோ போனது
பகுத்தாயும் கூடங்கள் வாழாமலே வீழ்ந்தது
படிப்பதே மதிப்பெண் பெறுவதென நின்றது
கல்விக ளெல்லாம் காசாகி போனது
கருத்துக்கள் சொல்லவும் விலையுடன் வந்தது
கல்விக் கூடமும் தெருவிற்கே வந்தது
கல்விக்கு மரியாதை இல்லாமலே போனது