மனிதி

அலையாய் சிரிக்கும் சிரிப்பொலிகள்

அமைதியானது ஏனோ ?

அதிர்ந்து பேசும் குரல்கள் 

மெல்லிய அழுக் குரல்

ஆனதேனோ ?

சுற்றித்திரியும் கால்கள்

சிலையானதேனோ ?

சிறகடிக்கும் கரங்கள் 

சிறை வாசம் கொண்டதேனோ ?

அழகுற பார்க்கும் பார்வைகள்

இமைக்காது பழுதடைந்ததேனோ ?

வெட்கம் ததும்பும் கன்னங்கள்

வெற்று நிலம் ஆனதேனோ ?

மகளிர் தினம் என இருப்பதால் தானோ !?! 

அண்ணாந்து பார்க்காமல் அருகில் வைத்து பாருங்கள் ,

தனியாக ஒதுக்காமல் துணைநிற்கவையுங்கள் ,

இட ஒதுக்கீடு செய்யாமல்

இணையாக ஒப்பிடுங்கள் ,

உவமையாக பார்க்காமல்

உரிமையாக பாருங்கள் ,

ஊமையாக சிந்திக்காமல்

ஊன்றுகோலாக நினையுங்கள் ! 

பெண்ணை பெண்ணாக பாருங்கள்

பெருமையாக பார்க்காதீர்கள்....... 

மங்கையை மனிதியாக பாருங்கள் !!!