భయపడకు... బాధ్యతగా ఉండు!

చేయి చేయి కలపకుండానే;

సమైక్యభావం తెలుపుదాం!

ఒకరిని ఒకరు కలవకుండానే;

అందరమొకటిగా బలపడదాం!

పోలీస్ మనని బాదకుండానే;

ఇంటిపట్టున నిలబడదాం!

ఇటలీ మాదిరి కాకుండానే;

కరోనాని తరిమికొడదాం!

జోష్యం కాదిది విశ్వాసం;

నిలవగలం, మనం గెలవగలం!

హాస్యం కాదిది వాస్తవం;

చికెన్పాక్స్, పోలియోలను తిప్పికొట్టాం!

"పదండి ముందుకు, పదండి దూసుకు!"

అన్న మాటలకు కాదిది సమయం!

"చెప్పే వరకు, బయటకు రాకు!"

ఇదియే ప్రస్తుత విశ్వ వైద్య సూత్రం!

కుంగిపోకు నువు ధైర్యంగుండు;

కనిపెడతాంలే దీనికి మందు!

ప్రభుత్వ సూచన పాటిస్తుండు;

అంతా మారును మునుముందు!