బ్రతకాలంటే భయం

కామాన్ని మదిలో 

కనపడకుండా దాచేసి

కుటీలత్వపు నవ్వుల 

పలరింపులు చూస్తున్నాను

పశువాంచ కోర్కెలతో

తరుణి తనువుని

అణువణువు

తడిమే వేల దుర్భుద్ధి

పాపపు చూపులు...

కవులమని చెప్పుకుంటు

స్త్రీల అందాన్ని జగుప్సగా

వర్ణిస్తు భారతమాతలో

కూడ భామిని చూసే

నాసి రకపు కవితల గురించి

తెలుసుకుంటున్నాను

వావివరసలు మరిచి

అతివల దేహాన్ని తాకి 

శునకానందం పొందే

వెధవలను కనుగొన్నాను

నిలువెల్లా విషముతో

తేనె పూసిన మాటలతో

ఆడపిల్లలను

లోబరుచుకోవాలనుకునే

ఉరకుక్కల మాయను కనిపెట్టాను

మట్టిలో కలిసే తోలుతిత్తి

కోసం ఎందుకో ఈ నీచుల

ఆరాటం, స్త్రీ శరీరంలోని

మాంసపు ముద్దల కోసమా

ఈ కామాంధుల పోరాటం

పాపగ ఉన్నప్పుడు

ఈ మానవ మృగాల

ఆకలి తీర్చిన

అమ్మ ఎదను మరిచి

పరాయి స్త్రీల సౌందర్యం

కోసమే పరితపించిపోతూ

మహిళకు వ్యక్తిత్వం

ఉందని మరిచి

సోదరిగా కాకుండ

అంగడిలో బొమ్మలా

వర్ణన కోసం ప్రయాసపడుతూ

మనిషినని మరిచి

రాక్షసులుగా మారి

రాజ్యమేలుతున్నారు

మహిళగా ఒక్కరోజు బ్రతికి చూడు

అమ్మకే పుట్టిన ఓ మగరాజా..

ఆప్పుడైనా సామాన్యపు

అతివ విలువ నీకు

అర్ధమవుతుందేమో

ఈ నయవంఛనలు

అతి జుగుప్స కరమైన

కామ కేళి చూస్తూ

బ్రతకలంటే భయమవుతుంది

భారతావనిలో అడదానినై పుట్టినందుకు