దైవమే నా తోడు

కష్టాల కడలిలో నీ పయనం సాగుతున్న వేళ

నా అనేవారు దూరమైన బాధతో నీ గుండె వెలవెలబోతున్న వేళ

పయనంలో తొందరపాటు అడుగులో తడబాటు నీ మిత్రులైన వేళ

అన్నీ ఉన్నా అనుభవించలేని పేదరికం నీదైతే

డబ్బు మాయలో బంధాలను మర్చిపోయిన వారి తోడు నువ్వు కోల్పోతే

ఇదంతా భారమై నీ హృదయం నలిగిపోతే

గుర్తించు గుర్తించు

నిన్ను నీడలా వెంటాడే నీ తోడు ఉందని గుర్తించు

నీ ఆత్మ స్థైర్యాన్ని నిలిపే ఆ దేవుడి అండ ఉందని గుర్తించు

నీతిని రక్షించే పరమాత్ముని కృప ఉందని గుర్తించు