కిరణం
కిరణం
నా కవనాలు లోకానికి కిరణాలు
బానిసవర్గానికి ఆశాజ్యోతులు
కార్మిక లోకపు ఆర్తనాదాలు
యువశక్తికి ప్రగతిమార్గాలు
నా కవనాలు దగాపడ్డ జనాల ఆత్మఘోషలు
చేయూతనిచ్చి ముందుకి నడిపే
పెళ పెళ మని గర్జించే మేఘపు ఉరుములు
నా కవనాలు సామాన్యుడి చెమట చుక్కపు సువాసనలు
అదే సామాన్యుడి ఆకలికేకలు
కసితో రగిలే వాడి బతుకుపోరాటాలు
వాడికి స్ఫూర్తిని ఇచ్చే బ్రతుకు పాఠాలు
నా కవనాలు ఆ సముద్రుడి ఆగ్రహావేశాలు
కెరటాల సమూహాలు
తుఫానుల కలయికలు
ఆ సాగర సంభాషణలు
సాగర గర్భ రహస్యాలు
నా కవనాలు అరిషడ్వర్గాల ప్రస్తావనలు
వాటి నుంచి బయటపడడానికి మార్గాలు
నా కవనాలు నిను మెల్కొలిపే విఙ్ఞాన వీచికలు
నీ జీవితానికి లక్ష్యాన్ని చూపే మార్గదర్శకాలు
నా కవనాలు మలయ మారుతాలు
ప్రణయ గీతాలు
ప్రేమ పాఠాలు
నా కవనాలు ప్రకృతి ఒడిలో నిదురోయే జోలపాటలు
హృదయాంతరాలలోని
అగాథాల కావ్య రూపాలు
నా కవనాలు ఆ అనంతుని
పాద సేవలో తరించే పుష్పాలు
ఆ అనంతుని కృపా కటాక్షాల