మంచు తేనె

చిరునవ్వుల మెఱుపుమల్లె..తీగంటే తానేలే..!

దూకుతున్న సెలయేరుల..పుట్టంటే తానేలే..!

అందాలకు నిర్వచనం..అందనిదే ఎపుడైనా..

ప్రవహించే నిశ్చలమౌ..ప్రేమంటే తానేలే..!

తేలిపోవు ఈ మాటలె..తేలించును నా హృదయం.. 

మౌనమైన ప్రతి క్షణపు..పాటంటే తానేలే..!

మదినేలే వెన్నెలసిరి..గంధాలే మాయవు కద..

పరవశాల మంచుతేనె..ఊటంటే తానేలే..!

విరుచుకుపడు విరహానికి..హద్దెవ్వరు పెట్టగలరు..

తోడునిలచు సరసరాగ..వీణంటే తానేలే..!