సఖీయా

మౌనములో బ్రతుకుతీరు..నేర్పినావు సఖియా..! 

ప్రాణాలకు ప్రాణముగా..నిలిచినావు సఖియా..! 

మాట్లాడక మాట్లాడే..మధురకావ్య కన్యవు.. 

అక్షరాల పూలదారి..పరచినావు సఖియా..! 

దివ్యమైత్రి ప్రమాణమై..ఉన్నదె నీ హృదయము.. 

నిత్యమంత్ర గగనములో.. నిలిపినావు సఖియా..! 

ఈ జన్మకు వరమంటే..నీ గమకపు వనమే.. 

నామనసును పాటలాగ..మలచినావు సఖియా..!

నీ అందెల సవ్వడియే..విందైనది భాగ్యము.. 

గుండెచాటు ప్రేమనిధిని..ఒంపినావు సఖియా..! 

సాక్షులైన పెదవులిపుడు..మూగబాస పాలే.. 

భాషలన్ని ఓడిపోగ..నవ్వినావు సఖియా..!