వెతుకులాట
వెతుకులాట
ప్రపంచం ఎరుగని పసితనంలో ప్రయాస ఎక్కడుంది..
తోడు దొరికిన జంట నడకలో దూరం ఎక్కడుంది..
మాట పలకని నిశ్శబ్ధంలో నిగూఢం ఎక్కడుంది..
ఉనికికి దూరమైన ఎండమావిలో ఊరట ఎక్కడుంది..
కాలాన్ని మింగేసిన ఘడియలో కదలిక ఎక్కడుంది..
శాశ్వతానికి సొంతమైన శ్వాసలో మరణం ఎక్కడుంది..
నన్ను మరచిన స్వగతానికి జననం ఎక్కడుంది..
అలసిపోని ఆగిపోని వెతుకులాటలో గమ్యం ఎక్కడుంది..