અણીયાળી દુનિયા – ડરામણી દુનિયા

માથા અને ધડ વગરની ડરામણી વાત હોય છે,

ડર અને ડરામણી દુનિયાની, એક અલગ ભાતહોય છે,

 

ડરામણી દુનિયાનો નાતો હોય છે  હંમેશા અંધારી રાતનો  

ડરામણી વાત સાથે હંમેશા અંધારાની રજૂઆત હોય છે,

 

મંત્ર તંત્ર, જાદુ ટોના, અઘોરી બાબા, ભૂત પિશાચ અને ડાકણ

ડરામણી દુનિયા સાથે આવા કેટકેટલા શબ્દોનો ઉત્પાત હોય છે,

 

દોરા ધાગા, મંત્ર અને તંત્ર, શુભ ને અશુભ એવી કેટલી જાળમાં ફસાય છે,

ડરપોક લોકો માટે ડરામણી દુનિયા, જિંદગીભરનો વલોપાત હોય છે,

 

ડરામણી દુનિયાની, એક વાત છે, સહુએ સમજવા જેવી

આપણી કલ્પનાશક્તિ જ, ડરામણી વાતને આપતી તાકાત હોય છે.