ચાલો રમીએ હોળી
ચાલો રમીએ હોળી
ચાલોને રમીએ મજાના રંગોની હોળી
પ્રેમભાવથી કરીએ ચાલો મસ્તી થોડી
રંગ વિનાની લાગે છે આ જિંદગી કોરી
લીલા રંગથી કરીએ હરિયાળી થોડી
વાણી ને વર્તનમાં છાંટુ રંગ હું ધોળો
રેલાવુ હું પ્રેમથી અબીલ ગુલાલ થોડો
પ્રકાશએ રંગ્યો જે હુંફથી તે રંગ છે પીળો
બલિદાને કેસરિયાનો રંગ છે પીધો
ભૂરા રંગે રંગાઈ છે સકળ સૃષ્ટિ પ્રકૃતિની
આવો ભેગા મળી રમીએ હોળી સંસ્કૃતિની