ડરનું દર્પણ – ડરામણું
ડરનું દર્પણ – ડરામણું
ભુત, પ્રેત, પિશાચ, ડાકણ વગેરે છે માત્ર નામના અને નિરાધાર છે
આ બધા માનસિક વહેમ છે ડરામણા, નબળું મન એનું સૂત્રધાર છે
ડરામણી ચીજો પણ મનુષ્ય માટે હોય છે રસ લેવાની બાબત
હોરર ફિલ્મ અને સીરીયલ્સનું ચલણ કરે એ વાતને પુરવાર છે
ડરામણી ચીજોનો બદલાતો રહે છે આકાર મનોમન
અમીબા અને સાપ ની જેમ, મન બદલે એના આકાર છે
અંદરની વાત તો એ છે કે આ ડર હોય છે માત્ર અંદરનો
અને કેટલાક લોકો, આપણા ડરનો પણ કરે વ્યાપાર છે
અંધારુ લાગતું હોય છે ખાસ કરીને ખૂબ જ ડરામણું
એક નાનકડું નાઈટ લેમ્પ પણ ડર પર કરે પ્રહાર છે
સામાન્ય મનુષ્ય માટે આમ તો હાડપીંજર હોય છે ડરામણું
પણ દરેક મનુષ્ય, આમ જુઓ તો, હાડપીંજર પરનું શણગાર છે