દરિયો છું
દરિયો છું
દરિયો છું હું મોજાઓથી ભરેલો
નદી તારા ઠહેરાવમાં મને રહેવા દઈશ ?
દરિયો છું હું મારા ગુસ્સા અને જુસ્સા ભરેલો
નદી તારા વહેણમાં મને વહેવા દઈશ ?
દરિયો છું હું જીવનના કંઈક તોફાનોથી ભરેલો
નદી તારી શાંતિમાં મને વહેવા દઈશ ?
દરિયો છું હું ખારો ખારો ઉસથી ભરેલો
નદી તારા મીઠા પાણીમાં વહેવા દઈશ ?
સમાતી આવી છે વર્ષોથી તું મારી લહેરોમાં
આજે મને તારા વહેણ સાથે વહેવા દઈશ ?
અંતમાં,
દરિયો છું હું તો તારા જ પ્રેમથી ભરેલો,
નદી આજ મને એકવાર તારા પ્રેમમાં ડૂબવા દઈશ ?
આજે તો પૂછી લીધું દરિયાએ નદીને તારી સાથે મને વહેવા દઈશ ?