ખબર ન હતી

ખબર ન હતી તેની લાગણીઓ સમય સાથે બદલાઈ જાય, 

ખબર ન હતી લાલચની દુનિયામાં સપનાઓ વેચાઈ જાય,

માનતો રહ્યો હું જેમના સાથને અતૂટ આજ સુધી, 

ખબર જ ન હતી કે તેની જરૂરિયાતોને અહીં પ્રેમ કહેવાય,

ખબર ન હતી આંખના પલકારામાં સંબંધો વિખરાઈ જાય, 

ખબર ન હતી જોતજોતામાં કોઈ આપણાથી રિસાઈ જાય, 

ચાહતો રહ્યો હું તેમને મારા જ સ્વભાવ પ્રમાણે,

ખબર જ ન હતી કે અહીં સ્વભાવની પણ કિંમત અંકાય,

ખબર ન હતી જીવનસફરમાં હરકોઈ આવતા જાય,

ખબર ન હતી સ્વાર્થ સુધી સંગાથી મારા બની જાય, 

મળતો જેમને "નાના" કહાનીમાં અલ્પવિરામ મૂકીને,

ખબર જ ન હતી કે આને જ અહીં તો પૂર્ણવિરામ કહેવાય.