નહીં કરું
નહીં કરું
1 min
52
આવવું હોય તો આવજે, હું બાકી દબાણ નહીં કરું,
જાણી લેજે મારી મનોદશા, હું બાકી જાણ નહીં કરું,
છો ને ભડકે બળી જતું આ ઈચ્છાઓનું નગર,
ગલીમાં તોફાન મચાવી, હું બાકી રમખાણ નહીં કરું,
છેલ્લા શ્વાસ સુધી રાહ જોતો રહીશ તારી,
અરે ! મોત સામે કરગરી, હું બાકી રોકાણ નહીં કરું,
તારા તરફથી જરા માન - મર્યાદા રાખી લેજે,
અપમાનથી હદ વટાવી, હું બાકી ભંગાણ નહીં કરું,
બે વચ્ચે દીવાલ ચણાઈ ગઈ તો રહેવા દે,
તોડી ખેદાનમેદાન કરી, હું બાકી ચાલાણ નહીં કરું,
"નાના"નો મસલો દિલનો છે તો દિલમાં જ રાખીશ,
પ્યાર જગ જાહેર કરી, હું બાકી વેચાણ નહીં કરું.