મલાલ શાને મનવા
મલાલ શાને મનવા
મલાલ શાને કરવો મનવા જીવતર રૂડું મળ્યું,
જાવાનું સૌને એ જાણી અલ્લડ મન હરખાયું,
સાચવેલી પળો મહીંથી ભરી લે થોડી થેલિયું,
અલગારી થઈને વહેંચી લે મીઠી મીઠી ઘડિયું,
એક દિ' તારોય આવશે ઝરણું હેતનું છલકાયું,
શમણાંની હેલી થાશે ને મોજની વહેશે નદિયું,
મનેખ મનેખમાં સંપ થાશે ને ઘેલી થાશે શેરીયું,
આતમને શાતા મળશે ભાળી લહેરાતું ખેતરીયું,
હિંદુ મુસ્લિમ શીખ ઈસાઈ સંધાય છે માનવીયું,
ઊંચનીચ કોઈ નહિ ને ગાશું પ્રેમનું પ્રભાતિયું,
મલાલ શાને કરવો મનવા જીવતર રૂડું મળ્યું,
જાવાનું સૌને એ જાણી અલ્લડ મન મલકાયું.