પ્રેમગીત
પ્રેમગીત
અધરોનું મૌનવ્રત, છતાં બધું કહેવાઇ જાય છે,
બંધ પોપચાંમાં જ હવે તો સપના ઢબુરાય જાય છે.
હૃદયના દીવડાની ટમટમતી પ્રેમ જ્યોત છે,
જાણે કાનોમાં રણકી જતું એક કેકારવી ગીત છે.
હાથોમાં બંગડીની ખણખણતી આ પ્રીત છે,
ટેરવાને અડતા જ ઉગી નીકળેલું આ પ્રેમગીત છે.
પાયલના રણકારમાં હરખાતો આ પાગલ મીત છે,
તારા અહેસાસની આ અનોખી એવી રીત છે.
જીવનના આકાશમાં તારલે મઢેલી આ રાત છે,
આ તો તારા મારા મળ્યાની મીઠી એવી વાત છે.