વાત જે અધૂરી રહી ગઈ
વાત જે અધૂરી રહી ગઈ
કરવી હતી જે વાત આજે તમારી સાથે એ અધૂરી રહી,
નથી કરી શક્યો હું એ વાત જે તમારી સાથે કરવી હતી,
છે મારી કેટલીક ભૂલો જેની માફી માંગવી અધૂરી રહી,
કેમ કરું પશ્ચાતાપ હું એ ભૂલોનું જે મારાથી થઈ હતી,
સમય માંગ્યો છે તમારો પણ મારો જ સાથ અધૂરો રહી,
કે સમય આપવા તમને મારી પાસે સમયની કમી હતી,
લખવી છે એક કહાણી તમારા માટે જે અધૂરી જ રહી,
શબ્દોની પણ આજે જ મારાથી કોઈક નારાજગી હતી,
સંબંધ નિભાવવા કર્યા અથાગ પ્રયત્ન સંબંધ ના રહી,
લાગણી મારી ના જાણે કેમ આમ અધૂરી જ થઈ હતી.