ದೀಪಾವಳಿ
ದೀಪಾವಳಿ
ಕತ್ತಲನ್ನು ಓಡಿಸುವ
ದೀಪಾವಳಿ ಹಬ್ಬ;
ಎಲ್ಲೆಲ್ಲೂ ದೀಪಗಳೇ
ಕಣ್ಣಿಗೆ ಕಾಣುವುವು ಅಬ್ಬಬ್ಬಾ....
ಬೀಜದಿಂದ ಎಣ್ಣೆ
ಹತ್ತಿಯಿಂದ ಬತ್ತಿ
ಮಣ್ಣಿನಿಂದ ಹಣತೆ
ತಮ್ಮನ್ನು ತಾವು ಸಮರ್ಪಿಸಿಕೊಂಡು
ನೀಡುವವು ಬೆಳಕ....
ಅವುಗಳಲ್ಲಿಲ್ಲ
ನಾ ಹೆಚ್ಚು,ನಾ ಹೆಚ್ಚು ಎನ್ನುವ ಭಾವ
ಆದರೂ ನೀಡುವವು ಬೆಳಕ
ಕತ್ತಲನ್ನೊಡಿಸುತ....
ಸುತ್ತಲಿನ ಕತ್ತಲನ್ನೊಡಿಸಲು
ದೀಪ ಬೆಳಗುವೆವು;
ಮನದ ಕತ್ತಲನ್ನೊಡಿಸಲು
ಆ ಮೂರು ವಸ್ತುಗಳಂತೆ ಸಮರ್ಪಿಸಬೇಕು
ನಮ್ಮನ್ನು ನಾವು......