ಗಜಲ್

ಕಾಣದ ಯಾನದಿ ಮೌನದ ಪಯಣವಿದೆ ಸಾಕಿ

ಮನದಿ ಸಾಸಿರ ಉತ್ತರದಕ್ಕದ ಪ್ರಶ್ನೆಗಳಿದೆ ಸಾಕಿ

ಬದುಕಿನ ಹೂವು ನಗದೆ ಏಕೋ ಪರಿತಪಿಸುತಿದೆ 

ಸುಗಂಧವಿಲ್ಲ ಬರಿ ಭ್ರಮೆಯ ಲೋಕವಿಲ್ಲಿದೆ ಸಾಕಿ

ಜೀವರಾಶಿಯೆಲ್ಲ ಜೀವಚ್ಚವವಾಗಿ ಮಲಗಿದೆ 

ಕಾವ ಕೈಗಳೂ ಮೈಮರೆತು ಮಲಗಿದಂತಿದೆ ಸಾಕಿ

ಮನದ ಮೋಡ ತಂತಾನೇ ಕರಗಿ ಕಣ್ಣಿರಿಡುತಿದೆ 

ಕಾಣದ ಕೈಗಳದುಷ್ಟ ಕೂಟದ ಶಂಕೆ ಮೂಡಿದೆ ಸಾಕಿ

ಎಲ್ಲ ಅರಿತು ಮರೆತು ಹೆಜ್ಜೆ ಇಡು ಲಕುಮಿಕಂದನೇ

ಈ ಜಗ ಬಲು ಸೋಜಿಗ ಕಾಂತದಂತೆ ಸೆಳೆದಿದೆ ಸಾಕಿ...