ನಮ್ಮ ಮನೆಯ ಜೇನು ಮರ

ನಮ್ಮ ಮನೆಯ ಎದುರಿಗಿತ್ತು ಒಂದು ಮರ

ಅದರ ಹೆಸರಾಗಿತ್ತು ಜೇನು ಮರ

ಜೇನು ಸಂಗ್ರಹಿಸುತ್ತಿದ್ದರು ದೊಡ್ಡ ಪಾತ್ರೆಗಳಲ್ಲಿ

ಚಿಕ್ಕ ಜೇನುರಟ್ಟಿನ ಚೂರುಗಳಿರುತ್ತಿದ್ದವು ನಮ್ಮ ಕೈಗಳಲ್ಲಿ

ಏನು ಕಾರಣವೋ ಸರಿಯಾಗಿ ಗೊತ್ತಿಲ್ಲ

ಆದರೆ ಆ ಹೆಜ್ಜೇನುಗಳು ಆ ಮರದತ್ತ ಸುಳಿಯುತ್ತಿಲ್ಲ

ಈಗ ಸವಿಯಲು ಸಿಗುತ್ತಿರುವುದು ಪೆಟ್ಟಿಗೆ ಜೇನು ಮಾತ್ರ

ಹೆಜ್ಜೇನಿನ ಸವಿ ಉಳಿದಿರುವುದು ನೆನಪಿನ ಪುಟಗಳಲ್ಲಿ ಮಾತ್ರ

ಜೇನು ಕೊಯ್ಯುವ ದಿನ ಎಲ್ಲರೂ ಒಟ್ಟಾಗಿ ಸೇರುತ್ತಿದ್ದೆವು

ಜೇನನ್ನು ರೊಟ್ಟಿನಿಂದ ಹಿಂಡುತ್ತಿದ್ದೆವು

ಆ ಮರಕ್ಕೆ ಹಲವು ಜೇನುಗೂಡುಗಳಿರುತ್ತಿದ್ದವು

ಟೊಂಗೆಯ ತುದಿಯಲ್ಲಿರುವ ಕೆಲವು ಜೇನುಗೂಡುಗಳು ಉಳಿಯುತ್ತಿದ್ದವು

ಬ್ರೀಟೀಷರ ಕಾಲದಲ್ಲೇ ಜೇನುಮರವಾಗಿದ್ದ ಮರ

ಈಗ ಉಳಿದಿದ್ದು ಬರೀ ಮರ

ಆ ಹೆಜ್ಜೇನುಗಳು ಈಗ ಕಾಣೆಯಾಗಿವೆ

ನೆನಪಿನ ಪುಟದಲ್ಲಿ ಮಾಸದೆ ಹಾಗೇ ಉಳಿದಿವೆ