आऊसाहेब
आऊसाहेब
संस्कृती आमची छान वाढविते सह्याद्रीचा मान
जिजाऊ तुमच्या कुशीत जन्मले शिवशंभो रत्न महान
दावुनी स्वराज्याचं स्वप्न घडविला इतिहास नवा
शिवराज्य उभं राहिलं भगवा फडकविला जवा
सह्याद्रीची रणरागिनी तू महाराष्ट्राची वाघीण
महाराष्ट्राचा प्रत्येक मावळा झुकवितो तुझ्यासमोर मान
सह्याद्रीच्या कडेकपारीतून गुंजतो हर हर महादेवचा किंकार
प्रत्येक मावळ्याच्या तलवारीची तुम्हीच होता ढाल
शपथ स्वराज्याची जिजाऊ उपकार तुझे विसरणार नाही
महाराष्ट्राला तुजसारख्या रणरागीनीशिवाय पर्याय नाही
स्वराज्याच्या कणाकणासाठी कित्येकांनी दिधले प्राण
आऊसाहेब तुम्हांस मुजरा करूनी गणेश गव्हले गातो तुमचे गुणगान