Library
ऐका सांगतो महती तुम्हा माझ्या मराठीची
ऐका सांगतो महती तुम्हा माझ्या मराठीची
ऐका सांगतो महती तुम्हा माझ्या मराठीची
माय मराठीची अन माझ्या लेकुरवाळ्या आईची ||धृ||
ज्ञानेशांच्या ज्ञानेश्वरीची अन तुकोबाच्या गाथेची
काळ्या विठ्ठलाच्या भक्तीची अन त्या पंढरीच्या वारीची ||
वीर शिवबाच्या पराक्रमाची अन शंभुच्या त्या बलिदानाची
स्वराज्याच्या मावळ्यांची अन सह्याद्रीच्या गडकोटांची
हर हर महादेव गर्जनेची अन् गनिमी काव्याची
सळसळणार्‍या मराठी रक्ताची अन फडफडणाऱ्या भगव्या ध्वजाची ||
ऐका सांगतो महती तुम्हा माझ्या मराठीची
माय मराठीची अन माझ्या लेकुरवाळ्या आईची ||धृ||
कालिदासाच्या मेघाची अन मुकुंदराजाच्या काव्याची
कुसुमाग्रजांच्या कवितेची अन बहिणाईच्या बोलीची
सुर्वेच्या त्या कामगारांची अन अण्णाभाऊंच्या वंचितांची
रवींद्रनाथांच्या गीताईची अन ज्ञानपीठच्या पुरस्काराची ||
ऐका सांगतो महती तुम्हा माझ्या मराठीची
माय मराठीची अन माझ्या लेकुरवाळ्या आईची ||धृ||
फुलेंच्या त्या शाळेची अन सावित्रीच्या शेण खड्यांची
गांधींच्या अहिंसेची अन टिळकांच्या केसरीची
भगतसिंगाच्या फाशीची अन सुभाषचंद्रच्या सेनेची
समाजसुधारकांच्या कार्याची अन प्रबोधनाच्या चळवळींची ||
ऐका सांगतो महती तुम्हा माझ्या मराठीची
माय मराठीची अन माझ्या लेकुरवाळ्या आईची ||धृ||
इंग्रजांच्या दडपशाहीची अन क्रांतिकारकांच्या बलिदानाची
पानिपतच्या रणांगणाची अन रँडच्या वधाची
स्वातंत्र्याच्या संग्रामाची अन भारतीयांच्या एकजुटीची
आंबेडकरांच्या संविधानाची अन् अव्वल आपल्या लोकशाहीची ||
ऐका सांगतो महती तुम्हा माझ्या मराठीची
माय मराठीची अन माझ्या लेकुरवाळ्या आईची ||धृ||
बाबा आमटेच्या कुठरोग्यांची अन् सिंधुताईंच्या अनाथांची
लतादीदीच्या आवाजाची अन तेंडुलकरच्या शतकांची
झगमगणाचा बॉलीवुडची अन अमिताभच्या उंचीची
दादा कोंडकेच्या विनोदांची अन लक्ष्या-अशोक सराफच्या जोडीची ||
ऐका सांगतो महती तुम्हा माझ्या मराठीची
माय मराठीची अन माझ्या लेकुरवाळ्या आईची ||धृ||
सहयाद्रीच्या घाटमाथ्यांची अन भीमा गोदेच्या पाण्याची
अजिंठा वेरूळच्या लेण्यांची अन लोणारच्या सरोवराची
दख्खनच्या पठाराची अन महाराष्ट्राच्या मातीची
प्रेमळ इथल्या मराठी मनाची मराठी माणसाच्या माणुसकीची ||
ऐका सांगतो महती तुम्हा माझ्या मराठीची
माय मराठीची अन माझ्या लेकुरवाळ्या आईची ||धृ||
