अंत:करणातील शब्द

जेव्हा जीव तुटतो तीळतीळ

स्फुरतात शब्द अंत:करणी.

अंत:करणातील शब्दांनीच

होते काळजाचे पाणी पाणी.

स्वराज्याची गर्जना करुनी

दिली टिळकांनी ललकारी.

अंत:करणातील शब्दांनीच

झुंजले मराठा नि केसरी.

अंत:करणातील शब्दांनीच

 रचला इतिहास शिवबांनी

गांधींच्या चलेजाव शब्दानेच 

भारत देश सोडला इंग्रजांनी.

 अंत:करणातील शब्दांनीच

 मनात जागविली संवेदना.

 माणसात देव पाहून बाबांनी

जाणली कुष्ठरोग्यांची वेदना.

अंत:करणातील शब्दांनीच

 जागेल मनात नवचैतन्य.

सारे करूया साहित्याची सेवा

होईल जगात भारतमाता धन्य