हात
हात
हातावर हात ठेवून
बसू नये आता तरी
आली आहे भयंकर
कोरोनाची महामारी
बंद झाली मंदिरेही
देव नाही मदतीला
दोन हात करूनच
हरवूया कोरोनाला
हात हातात घेऊन
करू समाजाची सेवा
हेवादावा मत्सराला
दोन हात दूर ठेवा
माणसात आहे देव
देव नाही मंदिरात.
असू देऊ माणुसकी
आपणही ह्रदयात
हवे प्रेम आपुलकी
नको नुसते दिखावे
सुख दु:ख संकटात
तळहाती शिर घ्यावे
मदतीचा हात देऊ
असू केव्हाही तत्पर
जीवनाचे सार्थक
करू आता खरोखर