निजले बाबा
निजले बाबा
जातीभेदा नष्ट कराया झटले बाबा
समानतेच्या न्यायासाठी लढले बाबा
अमाप शिक्षण घेऊन बनले महान पंडित
शिक्षण सकला देण्यासाठी झिजले बाबा
घटना कलमे प्रस्थापितली न्याय शिकवला
मताधिकाराला पण कारण ठरले बाबा
स्त्री-जातीला बरोबरीचा दर्जा दिधला
लोकहिताच्या तत्त्वासाठी जगले बाबा
सहा डिसेंबर श्वास घेतला अखेरचा अन्
चैत्यभुमीला पावन करुनी निजले बाबा.