तुझी वाट बघता बघता

तुझी वाट बघता बघता 

दिस मावळला सांज ल्याली 

पहाऱ्यावर पहार गेला 

अन दिसाची रात झाली 

तुझ्या येण्याची ना चाहुल 

येत्या वाटेवर उभा जिथं मी ,

ऊगाच उभा असा धावता ,

सैरावैरा पळून काळजाची 

काहुर घालमेल मात्र  

सांजची चढत चढत रात होते 

पण तुझ्या येण्याची काही खबर नाही 

मन बावरे संग पाऊलही धजत नाही 

घरट्याच्या परतीच्या वाटेवर 

मन इथं काही रमत नाही 

नाही माहित का कुणास ठाऊक 

मी नुसताच असा निःशब्द उभा 

एकाकी शोधतो तुझ्या पाऊलखुणा 

असा येतो नकळत मंद वारा 

का हळूच येते ओठी गीत तुझे 

झुळूक स्पर्श धुंद आसमंत न्यारा 

अशीच तुझी वाट बघता बघता 

दिस मावळला सांज ल्याली